Praktisk info

Praktisk informasjon – Volda Bakgårdsultra 2025

Start & Målområde

Start og mål for Volda Bakgårdsultra er inne i SpareBank 1-hallen ved Volda Stadion. Dette gir deltakarane tilgang til eit tørt og varmt område mellom rundane, med moglegheit for å kvile, slappe av og forsyne seg i depotet. Kvar runde startar frå hallen kvar heile time, og det er viktig at deltakarane er på startstreken når starten går.

Kvile mellom rundane

Mellom kvar runde kan du bruke SpareBank 1-hallen som base for kvile og restitusjon. Ta med eigen stol, liggeunderlag eller teltstol om du ønskjer å legge deg ned mellom rundane. Det vil vere god plass til deltakarutstyr i hallen.

Depot

Vi tilbyr eit enkelt depot med vatn, sportsdrikke, frukt og noko salt snacks. Deltakarane kan også ta med eigne mat- og drikkevarer og setje opp personlege depot ved start/mål-området. Du har tilgang til depotet kvar gong du kjem inn frå ein runde, og fram til neste start.

Kiosk

Det vil vere ein kiosk i hallen med sal av diverse kioskartiklar, som kaffi, mineralvatn, sjokolade, smågodt, og anna enkel servering. Kiosken er open under heile arrangementet, og både deltakarar og publikum er velkomne til å handle.

Toalett & Garderobefasilitetar

• Toalettfasilitetar finst inne i SpareBank 1-hallen, tilgjengeleg under heile arrangementet.
  
  

• Garderobar med dusj er tilgjengelege i klubbhuset til Volda Fotball, rett ved stadionområdet. Det vil vere skiltet frå hallen til garderobane.
  
  

Tidsplan

• Fredag 17. oktober 2025
  
  

  • Startnummerutdeling:  På Intersport Voldaportalen (Vikebygdvegen 4, 6104 Volda) i butikkens opningstid fram til 19.00
    – Vi oppmodar deltakarane til å hente startnummer denne kvelden om mogleg.
    
    

• Løpsdag – Lørdag 18. oktober 2025
  
  

  • Startnummerutdeling & registrering: Frå kl. 07:00 i SpareBank 1-hallen
    
    

  • Deltakarbriefing: Kl. 07:40
    
    

  • Start 1. runde: Kl. 08:00
    
    
    

  • Start 2. runde: Kl. 09:00
    
    
    

  • Siste runde: kl. 19:00 (runde 12).
    
    

Løype

Løypa er 6,7 km per runde, i samsvar med backyard ultra-standarden. Underlaget er hovudsakleg grusveg, og traseen går i stadionområdet og langs Rotevatnet – med berre nokre få høgdemeter. 

 
Den første runda starter kl. 08:00. Andre stunde starter kl 09:00 osv.

Reglar for løpet

• Kvar runde startar kvar heile time.
  
  

• Du må vere i startområdet når starten går. Starten vil bli markert med et lydsignal 3, 2 og 1 min før start.
  
  

• Fullfører du runda innan timen, er du med vidare.
  
  

• Alle deltakarar får medalje med Volda Bakgårdsultra motiv og anntal runder.
  
  

• Du bestemmer sjølv kor mange rundar du vil vere med på.
  
  

Parkering & Tilkomst

Gratis parkering ved Volda Stadion. Kjem du langvegsfrå, ligg Volda sentrum i gangavstand frå arenaen, og Volda Lufthamn Hovden ligg berre 10 minutt unna med bil.

Lisens & Forsikring

Deltakarar må ha gyldig helårslisens gjennom Norges Friidrettsforbund (NFIF) eller teikne engangslisens ved påmelding. Lisensen gir deg grunnforsikring under løpet.